பீட்ரூட் அல்வா

தேவையான பொருட்கள்:-
பீட்ரூட் - 1கிலோ
சர்க்கரை - 1/2 கிலோ
நெய் - 1/4 கிலோ
ஏலக்காய் - 3
முந்திரி - 15
திராட்சை - 10

செய்முறை:-
பீட்ரூட் தோலை சீவி வேகவைத்து கூழ் பண்ணிக்கொள்ளவும் . வாணலியில் பால் ,பீட்ரூட் கூழ்,சர்க்கரை சேர்த்து சிறிது நேரம் கிளறவும்.அல்வா தண்ணீர் வத்தி கெட்டியாக வரும் போது நெய் சேர்த்து சுருள கிண்டவும்.நெய்யில் முந்திரி, திராட்சை, ஏலக்காய் வறுத்து அல்வாவுடன் சேருங்கள்.

கேரட் அல்வா

தேவையானவை :
கேரட் : இரண்டு கப் (வேகவைத்து கூழ் பண்ணிக்கொள்ளவும்)
பால் : 1/4 லிட்டர்
பாதாம் பொடி : 1/2 கப்
சர்க்கரை : 1 கப்
ஏலக்காய் பொடி : 1/2 டீஸ்பூன்
முந்திரிப்பருப்பு : 10
திராட்சை : 10
நெய் :கால் கப்

செய்முறை :
பாலையும் சர்க்கரையும் சேர்த்து நன்கு சுண்டும்வரை காய்ச்சவும். கேரட்டைத் ஒரு தனி பாத்திரத்தில் போட்டு தண்ணீர் விட்டு வேக விடவும். வேகவைத்து கூழ் பண்ணிக்கொள்ளவும். சுண்டிய பாலில் பாதாம் பொடி, கேரட் சேர்த்து பாலின் அடி பாத்திரத்தில் ஒட்டாதவாறு மிதமான சூட்டில் நன்கு கிளறவும். இறக்குவதற்கு முன் முந்திரி, திராட்சை, ஏலத்தூள் போட்டு இறக்கவும் . சிறிது குங்குமப்பூவையும் சேர்க்கலாம்.